2023 жылғы 13 қазанда Алматы қ. ҚДБ ШЖҚ «Жоғары медициналық колледжі» КМК әкімшілік-басқару персоналы мен оқытушылары үшін «Корпоративтік мәдениет және этика кодексі», «Педагогикалық этика» тақырыптарында аралас форматта кездесу өткізілді.
Кездесу аясында келесі мәселелер қаралды: корпоративтік мәдениет ережелерінің регламенті, іскерлік этика нормаларын орындау, сыбайлас жемқорлыққа қарсы мәдениетті қалыптастыру, мұғалімдердің кәсіби қызметінің этикасы.
Мұғалімнің кәсіби этикасы білім беру процесінде маңызды рөл атқарады, өйткені ол мұғалімнің өз жұмысында басшылыққа алатын стандарттары мен принциптерін анықтайды. Ол мұғалімге этикалық негізделген шешімдер қабылдауға, студенттермен және олардың ата-аналарымен сенімді қарым-қатынас орнатуға, сондай-ақ қолайлы білім беру ортасын құруға көмектеседі.
Мұғалім мамандығы адамнан тек кәсібилікті ғана емес, сонымен бірге жоғары моральдық қасиеттерді де талап етеді. Қоғам алдындағы жауапкершілікті сезіне отырып, мұғалім:
- құқықтық моральдық және этикалық нормаларды сақтау;
- студенттердің және білім беру процесінің басқа да қатысушыларының ар-намысы мен қадір-қасиетін құрметтеу;
- білім берудің жоғары сапасын қамтамасыз ететін кәсіби негізделген оқыту нысандары мен әдістерін қолдану;
- Колледждің беделіне нұқсан келтіретін жанжалды жағдайлардан аулақ болуы қажет.
