Құрметті әріптестер!
Алматы қ. ҚДСБ ШЖҚ «Жоғары медициналық колледжі» КМК (бұдан әрі — Колледж) Алматы қ. әкімдігімен және Алматы қ. Қоғамдық денсаулық сақтау басқармасымен бірлесіп, Сіздерді 2025 жылғы 4-5 сәуірде Қазақстан Республикасы, Алматы қаласында өтетін «Мейіргер ісін дамыту перспективалары: инновациялар, білім беру және тәжірибе» Халықаралық ғылыми-тәжірибелік конференциясына қатысуға шақырады,
Конференция медицина қызметкерлерінің біліктілігін арттыру жылы шеңберінде өткізіледі және техникалық және кәсіптік білім беру, сондай-ақ тәжірибелік медицина саласындағы ғылыми қызметті дамытуға бағытталған. Бұл кәсіби қарым-қатынас, озық тәжірибелермен алмасу және денсаулық сақтаудың өзекті мәселелерін талқылау үшін бірегей алаң.
Конференция туралы негізгі ақпарат
Конференция мақсаттары:
- Медицина қызметкерлерінің біліктілік деңгейін және медициналық көмектің сапасын арттыру;
- Мейіргер ісіне озық тәжірибелерді үйрену және енгізу;
- Мейіргерлік білім мен тәжірибенің ғылыми негізін нығайту.
Конференция жұмысының бағыттары:
- Мейіргерісіндегі медициналық технологиялар мен инновациялар;
- Мейіргерісіндегі ғылыми зерттеулер және оларды денсаулық сақтауда қолдану;
- Орта медицина қызметкерлерін оқытудағы заманауи әдістер мен технологиялар.
Өтетін орны мен уақыты:
- Орны: Алматы қ., Қазақстан Республикасы
- Күні: 2025 жылғы 4-5 сәуір
- Басталу уақыты: 09:00
Қатысушылар: қатысуға мейіргер қызметінің басшылары, мейіргерлер, фельдшерлер, медициналық зертханашылар, оқытушылар, медициналық жоғары оқу орындары мен колледждердің студенттері, сондай-ақ барлық мүдделі тұлғалар шақырылады.
Конференция тілдері: қазақ, орыс.
Өткізу форматы: гибридті (онлайн және офлайн)
Қатысу және жариялау нысандары
Қатысу нысаны:
- Бетпе-бет: баяндама жасау/баяндама жасау және жинақта мақала жариялау;
- Сырттай: жинақта мақаланы жариялау.
- Тыңдаушы
Конференция қорытындысы бойынша материалдар жинағы шығарылады.
Жарияланымдарға қойылатын талаптар:
- Конференцияның тақырыптары мен бағыттарына сәйкестігі;
- Тақырыптың өзектілігі және оның мейіргер ісін дамыту басымдықтарымен байланысы;
- Мәселенің нақты тұжырымы, әдіснамалық және теориялық негізі;
- Баяндаудың ғылыми стилі, өзекті деректердің болуы және оларды талдау;
- Практикалық маңыздылығы мен тиімділігі;
- Презентацияның қисындылығы мен реттілігі;
- Мәтіннің бірегейлігі кемінде 70% (плагиатқа қарсы тексеру).
Материалдарды беру тәртібі мен мерзімдері:
- Материалдар 2025 жылғы 03 сәуірге дейін vmkconference@gmail.com электрондық мекенжайына қабылданады.
- Бір автордың мақалалар саны шектелмейді.
- Барлық мақалалар мен тезистер конференция жинағында жарияланады.
Қатысу шарттары
- Тыңдаушылар үшін конференцияға қатысу ақылы (15000 теңге — 80 СБ).
- Жинақта жарияланым ақылы (10000 теңге — 10 СБ).
- Мақаланы жариялауға қатысу (25 000 теңге — 90 СБ).
- Қатысу формалары: бетпе-бет, қашықтықтан.
- Қатысу қорытындысы бойынша 90, 80 сынақ бірліктерін көрсете отырып, халықаралық конференцияға қатысушының сертификаты беріледі.
Қатысу үшін 2025 жылдың 03 сәуіріне дейін электрондық тіркеуден өту қажет.
RU
EN
