kkru
acollege@yandex.kz +7 (727) 387-10-11
БІЗ ТУРАЛЫ

Біздің колледж

КЕЛ, ТАНЫСАЙЫҚ!

«Жоғары медициналық колледжі» 1981 жылы құрылған Алматы қаласының ең көне оқу орындарының бірі болып табылады және 7 медициналық мамандықтар бойынша білім беру қызметін жүзеге асырады:

«Мейіргер ісі»;
«Емдеу ісі»;
«Зертханалық диагностика»;
«Фармация»;
«Стоматология»;
«Ортопедиялық cтоматология»;
«Гигиена және эпидемиология».

2018 жылы колледжге «Мейіргер ісі» мамандығы «Қолданбалы бакалавриат» бағдарламасы бойынша студенттерді дайындау үшін «жоғары» мәртебесі берілді.

​Колледж – Алматы қаласының 10 медициналық колледжінің ішінде Алматы қаласы әкімдігінің ведомстваға қарасты жалғыз мемлекеттік білім беру тапсырысын орындайтын ұйым болып табылады.

Колледждің оқу-әдістемелік орталығы (ОӘО) бар, ол дәрігерлер мен қаланың ҚМЖ біліктілігін арттыруды жүзеге асырады. Жыл сайын 5,0 мыңнан астам маман оқудан, оның ішінде шетелде біліктілігін арттырудан өтеді. Тақырыптық мастер-класстар мен семинарлар шетелдік мамандарды тарта отырып жүргізіледі.

Алибекова Ляззат Джаныбековна – директордың м.а.

 

Ата-аналарды онлайн қабылдау әр сейсенбі күні сағат 14:00-де алдын ала жазылу бойынша +7 (727) 387-10-11 жүргізіледі

Колледж тарихы

Қазақ КСР Денсаулық сақтау министрі Т. Ш. Шарманов КСРО Жоғары оқу орындары министрлігінің 20.02.81ж.шешімі негізінде «Алматы қаласының Денсаулық сақтау мекемелерінің орта медициналық кадрлармен жасақталуын жақсарту мақсатында» Алматы қаласында қалалық медициналық училищені ашу туралы бұйрық шығарды. 1981/82 оқу жылына қабылдау жоспарымен оқушылар саны анықталған – 540 адам, оның ішінде кешкі бөлімге 210 адам.

ҚазКСР денсаулық сақтау министрлігінің ұсынысы бойынша Алматы Компартиясының Кеңес аудандық комитеті училище директоры қызметіне медицина ғылымдарының кандидаты, Республикалық медициналық училище директорының практикалық оқыту жөніндегі орынбасары Аяпов Қалкаман Аяпұлын бекітті. Училищенің оқу корпусын Алматы қаласының орталығында, Наурызбай батыр және Қабанбай батыр көшелерінің қиылысында орналасқан ескі ғимаратта орналастыру туралы шешім қабылданды.

Колледж тарихы туралы толығырақ оқу....

Бұл сәулет ескерткішінің пайда болу тарихы ерекше. Үй қала тұрғындары мен жетім балаларға арналған қайырымдылық мақсатында салынды. 1887 жылы Верный қаласында жойқын жер сілкінісінен кейін қалған үй. Алматы қалалық атқару комитетінің 1999 жылғы 4 сәуірдегі шешімімен. ғимарат Қазақ КСР-ның тарих және мәдениет ескерткіштерінің мемлекеттік тізіміне енгізілген. Училищенің алғашқы онжылдығы кеңес кезеңіне тура келді. 

Қазақстан Республикасының егемендігінің басы- Мейіргер ісі мамандарын даярлау жүйесін өзгерту бойынша жасалатын жоспарлардың іске асуына бастау алды. Алматы әкімшілігінің басшысы З. Қ. Нұрқаділовтің шешімі негізінде Алматы медициналық училищесін қалалық медициналық колледж етіп қайта ұйымдастыру туралы Қазақстан Республикасының Денсаулық сақтау министрі В. Н. Девятконың бұйрығы шықты. Бұл Қазақстан Республикасындағы алғашқы медициналық колледж болды.

Тәуелсіздіктің алғашқы жылдарында республика басқа елдерден келген оқу орындарымен әріптестік қарым-қатынасты жолға қойды. Тусон( АҚШ) және Алматы қалалары бауырлас қалалар деп жарияланды. Осы қалалар арасындағы келісім-хаттаманың негізінде бірнеше медициналық мекеме бұл серіктестікке кірді, соның ішінде біздің колледж. 1993 жылдың қараша айынан бастап басталған серіктестік қарым – қатынастарымыз колледждің материалдық-техникалық базасын жақсартуға көмектесті.

Тусонда біздің оқытушылар бірнеше рет тағылымдамадан өтті, Аризона университеті мен Пима-колледжде медициналық кадрларды даярлау жүйесімен танысты. Мейіргерлер даярлығының барлық төрт деңгейі үшін ұжым жасаған жоспар-бағдарламалар әр түрлі біліктілігі бар, олардың функционалдық міндеттерін кеңейте отырып, жаңа кадрлар дайындауға мүмкіндік берді.

Біз бірінші рет мейіргердің көмекшісі, мамандандырылған мейіргер және мейіргер-менеджер (ұйымдастырушы) біліктілігі бар кадрларды даярлауды бастадық. Акушерия мен гинекологиядағы, сондай-ақ жедел және шұғыл терапиядағы мамандандырылған мейіргерлердің алғашқы шығарылымы 1995 жылы жүргізілді. Осы жылы Сорос қорының жиырма сегіз мың долларға гранты ұтып алынды, оған оқу процесіне қажетті жабдықтар сатып алынды, ал Американдық халықаралық денсаулық сақтау одағы жиырма төрт мың доллар сомаға құрал-жабдықтармен, әдебиеттермен көмектесті.

Еліміздің медициналық колледждерінің өміріндегі өте маңызды оқиға-1995 жылдың маусым айында Израиль мемлекетінің «Машав» білім беру орталығының қатысуымен Алматы колледжі ұйымдастырған оқытушыларына арналған халықаралық курстар болды. Орыс тілін меңгерген Израильден келген екі оқытушы оқытушыларды оқытудың белсенді әдістерімен таныстырып, коммуникация саласында шеберлік сыныбын көрсетті.

Біздің шетелдік оқу орындарымен серіктестік қарым-қатынасымыз оқу бағдарламаларын жетілдіруде одан әрі дамыды. Американдық әріптестер 1996 жылы мейіргер-менеджерлердің даярлығына талдау жасады. Рочестер университетінің(Нью-Йорк штаты) өкілдері мейіргер  ісі докторы Анна Мари Брукс, және педагогика докторы Тони Смит біздің қызметімізге оң баға берді. 

Мейіргер-менеджерлердің алғашқы бітіруі 1996 жылы (49 түлек) жүзеге асырылды. Бітіру кешіне Тусоннан жоба үйлестірушісі, доктор Эмили Дженис келді, АҚШ, Израиль, Үндістан Сыртқы істер министрліктерінен қонақтар шақырылды. Бұл тамаша оқиға ұжымды шабыттандырды, біздің еңбегіміздің жоғары бағасы ұжымның одан әрі қызметін жетілдіруге ықпал етті. Біздің оқытушылар Тусон қаласымен серіктестік желісі бойынша Аризона университетінде болып, Пима-колледжге барып, олардың жоспар-бағдарламаларын зерттеді. 

Содан кейін директордың оқу ісі жөніндегі орынбасары Г. С. Бейсенованың жетекшілігімен 3 және 4 курстарға арналған бағдарламалар жасалды. Жаңа пәндерді оқыту енгізілді: мейіргер  ісіндегі менеджмент, әкімшілік процесс, дәстүрлі емес медицина негіздері, ғылыми-зерттеу қызметі, гериатрия және геронтология, психология, мәдениеттану, педагогика, әлеуметтік медицина және денсаулық сақтауды ұйымдастыру. Колледжде алғашқы рет курстық жұмыстарды қорғау түрінде қорытынды бақылаудың жаңа түрі енгізілді. 

1997 жылы Дүниежүзілік «Интернет» электрондық желісіне қосылған оқу-ақпараттық орталығы ұйымдастырылды. Бұл қызметті американдық әріптестермен серіктестік қарым-қатынас арқасында колледж 5 жыл бойы пайдаланды.

10 жылдан астам (1995-2006жж.) мейіргер ісінің американдық моделі бойынша мейіргерлерді даярлаудың 4 деңгейлі жүйесі жұмыс істеді, ол бойынша келесі мамандықтар бойынша мейіргерлерді дайындады: мейіргер көмекшісі, жалпы практика мейіргері, мамандандырылған мейіргер, мейіргер-менеджер (мейіргер ісін ұйымдастырушы), жоғары білімі бар мейіргер.

2006 жылдан 2008 жылға дейін колледж директоры, Сейдуманов С. Т., ең алдымен. колледж ғимаратының сыртқы келбеті мен ішкі жағдайын өзгертті. Жүз жылдан  астам өмір сүрген  ғимарат бірнеше рет жөнделді. Бірақ «Мәдени мұра» мемлекеттік бағдарламасының арқасында, колледж директоры С. Т. Сейдумановтың күшімен халқымыздың әшекейі болып табылатын ағаш сәулет өнерінің тарихи ескерткішін қалпына келтіру бойынша үлкен жұмыстар атқарылды.

Алматы медициналық колледжінде Алматы қаласы денсаулық сақтау Департаментінің бұйрығымен, орта медицина қызметкерлерінің біліктілігін арттыру бөлімшесінің базасында Алматы қаласының орта медицина қызметкерлерінің дипломнан кейінгі қосымша білім беру орталығы ұйымдастырылды.

2008 жылдың қыркүйек айынан 2011 жылдың қазан айына дейін колледжді жоғары білікті дәрігер–хирург, практикалық денсаулық сақтауда ұйымдастырушылық жұмыстың үлкен тәжірибесі бар, оқу үдерісімен таныс, кең ғылыми білімі бар адам, медицина ғылымдарының докторы Д. А. Даулетбаев басқарды.

С октября 2011 по март 2017 года Колледж возглавляла А.М. Садыкова.

2008 жылы 25 қазанда «Білім, инновация және практика дамуындағы мейіргер ісі» тақырыбында Алматы қаласы мейіргерлерінің қалалық ғылыми-тәжірибелік конференциясы өтті. Оның жұмысының қорытындысы- 2011 жылға дейін Алматы медициналық колледжін дамыту бағдарламасын әзірлеу болды.

2011 жылдың қазан айынан 2017 жылдың наурыз айына дейін колледжді А. М. Садықова басқарды.

2018 жылдың сәуір айынан бастап колледжді Оспанова Айгерім Қайырқызы басқарады.

2019 жылдың 29 сәуірінде Султангазиева Светлана Елеусизовна Жоғары медициналық колледж директоры қызметіне тағайындалды.

2020 жылы колледж жаңа мамандықтарды лицензиялау рәсімінен өтті:

-0302000 «Мейіргер ісі». Біліктілігі: 0302032 Көру мүмкіндігі шектеулі жандарға арналған «Массажист».

-0307000 «Ортопедиялық cтоматология». Біліктілігі: 0307013 – «Тіс технигі».

-0303000 «Гигиена және эпидемиология». Біліктілігі: 0303013 – «Гигиенист-эпидемиолог».

БІЗДІҢ ӘКІМШІЛІК

Алибекова Ляззат Джаныбековна

Директордың оқу-тәрбие ісі жөніндегі орынбасары

Оралбаева Алтыншаш Доктарбековна

Кәсіптік практика және жұмысқа орналастыру орталығының басшысы

Амрина Галина Анатольевна

Ғылыми-әдістемелік бөлімнің басшысы

Каштаева Шолпан Елемесовна

Тәрбие және әлеуметтік жұмыс жөніндегі бөлімнің басшысы

Шеметаев Абзал Бауыржанулы

Ақпараттық-технологиялық қамтамасыз ету бөлімінің басшысы

Шарипбаева Асель Кайратовна

Адам ресурстарын басқару бөлімінің басшысы

Амиргалина Гульмира Кайсаевна

Әкімшілік-шаруашылық бөлімінің басшысы

Джумаканова Майгуль Абдрахмановна

Студенттерге қызмет көрсету орталығының басшысы