2024 жылдың 22 мамырында Алматы қ. санитарлық-эпидемиологиялық бақылау департаментінің (бұдан әрі — Алматы қ. СЭБД) базасында Алматы қ. ҚДСБ ШЖҚ «Жоғары медициналық колледжі» КМК 22-20 «ГжЭ» тобының студенттері үшін оқу-өндірістік практикадан өту бойынша түсіндірме әңгімесі жүргізілді.
Колледж студенттерімен кездесуге Алматы қ. СЭБД бөлімшелерінің басшылары қатысты:
- Салкинбаев З.Б. — персоналды басқару қызметінің басшысы;
- Мұхамедиев М.Н. — ұйымдастыру жұмысы және қызметті талдау бөлімінің басшысы;
- Қонысбаева К.К. — тамақтану объектілерін бақылау және қадағалау бөлімінің басшысы;
- Отарбекова Ж.А. — аса қауіпті инфекциялар мен туберкулезді эпидемиологиялық қадағалау бөлімінің басшысы;
- Булегенова Д.Б. — ауруханаішілік инфекция эпидемиологиялық қадағалау бөлімінің басшысы.
Кездесу барысында студенттер Алматы қ. СЭБД қызметінің құрылымы, негізгі бағыттары мен функциялары туралы, сондай-ақ мемлекеттік қызметке, оның ішінде санитарлық-эпидемиологиялық бақылау қызметіне кіру тәртібі туралы ақпарат алды.
Бұл кездесу студенттердің тез бейімделуіне және Алматы қ. СЭБД құрылымында өндірістік тәжірибеден сәтті өтуіне ықпал етеді, бұл арнайы пәндерді оқу процесінде алған теориялық білімдерін бекітуді қамтамасыз ететін оларды кәсіби даярлаудағы негізгі кезең болып табылады.
