12.12.2024 ж. Алматы қ. ҚДСБ ШЖҚ “Жоғары медициналық колледжі” КМК — да 1 курс студенттері үшін “Мен өз елімді мақтан тұтамын” тақырыбында ашық тәрбие сағаты өткізілді.
Іс-шараның мақсаты: патриотизм сезімдерін тәрбиелеу, Тәуелсіз Қазақстанның тарихи фактілеріне қызығушылықты дамыту.
Іс-шараны ұйымдастырушылар: колледж кітапханасының қызметкерлері, №1 “Жалпы гуманитарлық пәндер” ЦӘК оқытушылары Е.Е. Тажиев, Қ.Б. Боранбай, И.Т. Садықова.
Тәуелсіздік күні әрбір қазақстандық үшін ерекше құндылыққа ие және күнтізбедегі тарихи күн ғана емес. Тәуелсіздік күні — бостандық пен бірліктің символы, мемлекетіміздің дамуы үшін берік негізі болады.
Іс-шараға 1 курс студенттері тәуелсіздік жылдарындағы ҚР жетістіктері туралы қысқаша баяндама; Егемен Қазақстан тақырыбындағы өлеңдерін мәнерлеп оқыды, оның ішінде Қ. Сарин, Б. Исаев, Ә. Шегебай шығармалары; би және музыкалық нөмірлерін орындады.
Колледж кітапханашысы А.С. Тайшыбекова қазақ жазушылардың, оның ішінде М. Шаханов, Б. Төлепберген, Т.Айтбайұлы 1986 жылғы Желтоқсан оқиғалары мен қатысушылары туралы еңбектерін “Желтоқсан — тәуелсіздік рухы” атты кітап көрмесінде студенттерге таныстырды. Кез келген адам #оқуғақұштарколледжалматы жобасы аясында колледжіміздің кітапханасында көрмеге қойылған кітаптарымен және шығармашылығымен таныса алады.