21.11.2024 ж. Алматы қ. ҚДСБ ШЖҚ «Жоғары медициналық колледжі» КМК-да «Үш бәйтерек, тағдыр мен тағылым: Сәкен, Ілияс, Бейімбет!» Үш бәйтерек туғанына 130 жыл толуына орай әдеби-сазды кеші өтті.
Мақсаты: С.Сейфуллин, І. Жансүгіров, Б. Майлиннің шығармашылық мұрасымен танысу; студенттердің қазақ әдебиетінің шығармаларын оқуға деген қызығушылығын қалыптастыру арқылы патриотизмге тәрбиелеу және ұлттық құндылықтарды дәріптеу.
Іс-шара ұйымдастырушылар: «Мейіргер ісі» бөлімшесінің «24-10 МІ», «24-11 МІ» топтарының студенттері; «24-5 ЕІ», «24-01 ЕІ», «24-2 ЛД» «Емдеу ісі» бөлімшесі, «24-03 Д» «Стоматология» бөлімшесі «Жалпы гуманитарлық пәндер» №1 ЦӘК Тажиев Е.Е., Джумагулова И.М., Джамалдинова З.Б оқытушыларының жетекшілігімен.
Іс-шараға студенттер ақындардың өмірбаянынан маңызды оқиғалар туралы баяндама, музыкалық нөмірлер дайындады, өлеңдерді мәнерлеп оқу дағдыларын көрсетті және Б. Майлиннің “Шұғанның белгісі” пьесасынан үзіндісінен театрландырылған сахналық көрініс көрсетті. Колледж кітапханашысы А.С. Тайшибекова “Қазақтың үш бәйтерегі” атты кітап көрмесін таныстырып, студенттермен ақындардың шығармашылығын білуге арналған викторина өткізді.
Кез келген адам #оқуғақұштарколледж жобасы аясында колледжіміздің кітапханасында көрмеге қойылған кітаптарымен және шығармашылығымен таныса алады.