2024 жылдың 29 қазанында Алматы қ. ҚДСБ ШЖҚ «Жоғары медициналық колледжі» КМК-да Рақымжан Қошқарбаевтың туғанына 100 жыл толуына орай 1 курс студенттері мен Таулы Қарабақ қақтығысының ардагерлерімен кездесуі өтті. Биыл тарихи ерлік жасаған батырдың туғанына 100 жыл толады Рахымжан Қошқарбаев небәрі 21 жасында Берлинде Рейхстагқа Жеңіс туын тіккен.
Іс-шара жастардың бойында отансүйгіштік пен Отанға деген сүйіспеншілік сезімін оятуға бағытталған.
Кездесу барысында Рақымжан Қошқарбаевтың ерлігі туралы бейнематериалдар ұсынылды. Таулы Қарабақ соғысының ардагерлері: Найзабеков Д.К., Құдабаев Қ.Н., Қуанышбаев Н.Д., Құланбаев А. және Будайбеков Р.Қ., өздерінің жеке оқиғалары және тәжірибелерімен студенттермен бөлісті.
Студенттер әртүрлі тарихи кезеңдерде әскери борышын өтеген жауынгерлердің ерлігі мен қаһармандығы туралы білді. Ардагерлер жастарды өз Отанының патриоты болуға, оны қорғауға әрқашан дайын болуға шақырды.