2023 жылғы 10 қарашада Алматы қ. ҚДБ ШЖҚ «Жоғары медициналық колледжі» КМК-да қазақтың біртуар ақыны, ағартушы — Шарғын Алғазыұлының 120 жылдығына арналған «Алаш рухты ақын» тақырыбында ашық тәрбие сағаты өтті.
Іс-шараның мақсаты: қазақ әдебиетінде ұлы мұра қалдырған Шарғын Алғазыұлының өмірі мен шығармашылық мұрасы туралы әңгімелеу.
Кеш қонақтары: ақынның ұлы — Алғазиев Тілеухан Шарғынұлы, шөбересі Алғазиев Ердос Беделханұлы. Тілеухан Шарғынұлы 2 томдық өлеңдер жинағын колледж кітапханасының қорына тапсырды, сонымен қатар әкесі туралы естеліктермен бөлісті.
Іс-шараны ұйымдастырушылар: № 3 ЦӘК оқытушылары Шинибаева А.А., Омашбекова Г.А., Алғазиева Ж.Б., Қозыбекова А.О., «МІ 20-6» топ студенттерімен бірлесе отырып кешке арналған кездесуді және шығармашылық бағдарламаны ұйымдастырды. Кітапхана меңгерушісі Исаева Қ.О. мен қітапханашы Тайшибекова А.С. кітап көрмесін ұйымдастырып, әркім өз смартфонына QR-код бойынша жүктей алатындай мобильді кітапхана түрінде ақынның өмірі мен шығармашылығы туралы булеттер жасап, оларды студенттерге таратты.