2022 жылдың 15 желтоқсанында Алматы қ. ҚДБ ШЖҚ «Жоғары медициналық колледжі» КМК-да «Wiley online library» шетелдік кітапханасымен және «Cochrane library» кітапханасымен жұмыс істеу бойынша тренинг вебинар өтті.
Контингент: колледж оқытушылары мен студенттері. Вебинарды «Wiley» баспасының өкілі Айман Ашимханқызы жүргізді.
Көптеген жылдар бойы «Wiley» баспасы Кокрейн кітапханасын дамыту және қолдау бойынша Кокрейннің эксклюзивті серіктесі болды.
Баспа пайдаланушыларға ресурс материалдарына қол жеткізудің бірнеше нұсқасын ұсынады:
- Cochrane кітапханасына жазылудағы ресурстардың құрамы;
- Cochrane Database of Systematic Reviews (CDSR; Cochrane жүйелі шолулары мен әдістемелік шолуларын қамтиды);
- Cochrane бақыланатын зерттеулердің орталық тізілімі (CENTRAL; клиникалық зерттеулер тізілімі);
- Cochrane Clinical Answers (CCA; Cochrane Clinical Guidelines for Physicians);
- Cochrane ынтымақтастығы туралы;
- «Cochrane» топтары әлемдегі ең беделді академиялық және медициналық мекемелерде орналасқан. Cochrane халықаралық қауымдастықпен дәлелді медицина және денсаулық сақтау саласындағы жоғары сапалы, сенімді ақпараттың алтын стандарты ретінде танылған.
Кокрейн авторларының жұмысы Кокрейн кітапханасында (www.cochranelibrary.com) жарияланған. Кокрейн кітапханасындағы дерекқорлар медицина мен денсаулық сақтаудың басқа салаларындағы шешімдерді қолдау үшін ақпарат пен дәлелдемелерді қамтамасыз етеді және көмек алатындарды хабардар етеді.
Ресурс белгілі бір тақырып немесе ауру бойынша клиникалық сынақтар, Кокрейн шолулары, Кокрейннен тыс жүйелі шолулар, әдістемелік зерттеулер, технологиялық және экономикалық бағалаулар туралы ақпаратты табуға мүмкіндік береді.
«Wiley» баспасы Алматы қ. ҚДБ ШЖҚ «Жоғары медициналық колледжі» КМК тестілік режимде 1 ай бойы «Cochrane library» кітапханасының материалдарына толық қолжетімділікті қамтамасыз етеді.
«Cochrane library» кітапханасын пайдалану жөніндегі нұсқаулық
