ҚР ДСМ “Мейіргер ісіндегі білім, ғылым және тәжірибенің үштұғырлығы” Жол картасын орындау мақсатында Алматы қ. ҚДСБ “Жоғары медициналық колледжі” ШЖҚ КМК-да 2022 жылғы 29 маусымда “Амбулаториялық жағдайда тәуелсіз мейіргер практикасы” тақырыбы бойынша жұмыс оқу бағдарламасының тұсаукесері ұйымдастырылды.
Тұсаукесердің мақсаты-мейірбике ісін дамыту, бастапқы буындағы медициналық ұйымдарда Тәуелсіз мейірбике практикасын енгізу. Қазіргі уақытта ҚР – да қолданбалы бакалавриат деңгейі бар мамандар-кеңейтілген практиканың медбикелері даярланды, олар тәуелсіз мейіргерлік практиканы енгізу арқылы медициналық қызметтер нарығында сұранысқа ие болуы тиіс.
Спикерлер ретінде:
– Актаева Лязат Мейрашевна -профессор, м. ғ. д., Алматы қ. ҚДСБ “Жоғары медициналық колледжі” ШЖҚ КМК директоры;
– Смаилова Дарига Сансызбаевна -PhD, “Қоғамдық денсаулық сақтау жоғары мектебі” ҚМУ Эпидемиология, дәлелді медицина және биостатистика кафедрасының меңгерушісі; – Жавьясхан Тамаша-Алматы қ. ҚДСБ “Жоғары медициналық колледжі” ШЖҚ КМК оқытушысы, Қазақстан-Фин магистратурасының түлегі;
– Сыдыкова Бибінұр Қабдығалиқызы – “Семей медицина университеті” КЕАҚ PhD докторанты.
Тұсаукесерге Алматы қаласы Қоғамдық денсаулық сақтау басқармасының мейірбике ісін дамыту жөніндегі менеджері А.М. Омашбекова және Алматы қаласындағы 41 амбулаториялық – емханалық ұйымның бас мейірбикелері қатысты.
Өз сөздерінде Омашбекова Арман Машетовна мен Кожаканова Гюльнар Сайлауовна – бас мейірбике, “№ 10 Қалалық емхана” ШЖҚ КМК дәлелді мейіргерлік практиканы жетілдіру үшін мастер – класстар, семинарлар, семинар-тренингтер өткізу қажеттілігін қолдады, бұл білім беру ұйымдары мен практикалық денсаулық сақтау арасындағы ынтымақтастықты нығайтуға мүмкіндік береді.
“Амбулаториялық жағдайда тәуелсіз мейірбикелік Тәжірибе” тақырыбы бойынша келесі семинар – тренинг 2022 жылдың 11 шілдесінен 13 шілдесіне дейін өтеді.
