2024 жылдың 14 маусымында Алматы қ. ҚДСБ ШЖҚ «Жоғары медициналық колледжі» КМК-да “Ақ халатты абзал жандар” атты мерекелік іс-шара өткізілді. Концертті №3 «Клиникалық пәндер» ЦӘК оқытушылары медицина қызметкерлері күнін мерекелеуге орай ұйымдастырды.
Медицина қызметкері күні — құрметті және абзал, Гиппократқа ант беретін кәсіби мамандардың мерекесі. Медицина қызметкерінің мандығы әлемдегі ең көне және құрметті мамандықтардың бірі болып табылады және қазіргі уақытта өте сұранысқа ие.
Біздің Колледж 43 жылдың көлемінде қазақстандық денсаулық сақтау жүйесі үшін орта медицина қызметкерлерін дайындап келе жатыр және өз нәтижелерімен мақтанып, ақ халатты кәсіби оқытушыларының адал еңбегін жоғары бағалайды.
Концертте әкімшілік пен оқытушылар қатарындағы қызметкерлер жемісті жұмысы мен адал еңбегі үшін Алматы қ. Медеу ауданы әкімдігінің, Алматы қ. Қоғамдық денсаулық сақтау басқармасының, AMANAT партиясының, «АQNIET» кәсіподағының және Колледж басшылығының грамоталарымен және алғыс хаттарымен марапатталды.
Колледж әкімшілігі осы мамандықтың барлық өкілдерін мерекемен құттықтайды! Сіздерге зор денсаулық, бақыт, алға қойылған мақсаттарыңызға жетуде сарқылмас күш-қуат тілейміз!