30.09.2025 ж. Алматы қ. ҚДСБ ШЖҚ «Жоғары медициналық колледжі» КМК білім алушыларымен «Тәртіпті өзіңнен баста!» тақырыбында түсіндіру жұмысы жүргізілді.

Іс-шараның мақсаты: білім алушылардың құқықтық сауаттылығын арттыру, құқықбұзушылықтардың алдын алу.

Іс-шараны өткізгендер:
• Бисенов С.К. – заңгер;
• Каштаева Ш.Е. – тәрбие және әлеуметтік жұмыс жөніндегі бөлімнің басшысы.

Іс-шара барысында білім алушыларға құқық бұзушылықтың, соның ішінде колледж студенттерінің ішкі тәртіп ережелерін бұзудың салдары туралы ақпарат берілді. Сонымен қатар буллинг пен кибербуллингке қарсы күрес шаралары түсіндірілді. Колледждің заңгері қоғамдық орындарды ластағаны, бөтен мүлікті бүлдіргені және т.б. үшін әкімшілік жауапкершілік туралы мәліметтерді ұсынды.

Осындай кездесулер жастар арасында құқықтық мәдениетті қалыптастыруға, олардың құқықтық сауаттылығын арттыруға бағытталған маңызды қадам болып табылады.