Ұлы Жеңістің 80 жылдығына орай ұйымдастырылған экскурсияға Алматы қ. ҚДСБ ШЖҚ «Жоғары медициналық колледжі» КМК 1-ші курс білім алушылары оқытушылармен бірге Кеңес Одағының Батыры атағына ие болған алғашқы қазақ қызы — Мәншүк Мәметованың Алматы қаласындағы №28 мектеп-лицейінде орналасқан мұражайына барып қайтты.
Мұражайда сақталған сирек құжаттар, фотосуреттер мен батыр қыздың жеке заттары студенттерге ерекше әсер қалдырды. Ең құнды жәдігерлердің бірі — Мәншүк 1935–1937 жылдары отырған парта болып табылады.
№ 28 мектеп-лицейінің 125 оқушысы және мұғалімі майданға аттанды, үшеуі Кеңес Одағының Батыры атағына ие болды, олардың арасында Мәншүк бар. Қыз Отанын қорғау және қуғын-сүргінге ұшыраған әкесінің абыройын қорғау үшін соғысқа кетті.
“Ол өте батыл қыз еді. Егер пулемет тоқтап қалса, ол мылтықты алып, бізді алға қарай жетелейтин. Біз оны тоқтата алмадық. Мәншүк 19 жасында кетіп, 21 жасында қайтыс болды. Ол 416 күн майданда болды”, — деді Мәншүктің немере ағасы Айман Мәметова.
Экскурсияның ең әсерлі тұсы — оны лицейдің өз оқушыларының жүргізуі болды. Олар Мәншүктің өмір жолын мақтанышпен баяндап берді.
“Бұл жай мұражай емес, тарих шынайы жанданатын мекен. Бұл мен есте сақтағым келетін естелік”, — деп атап өтті білім алушылар экскурсиядан кейін.
Біз №28 мектеп-лицейінің басшылығына, музейге жауапты Н.М. Соколоваға және оқушыларға жылы қабылдаулары мен тарихи мұраны сақтап отырғандары үшін алғысымызды білдіреміз. Мұндай іс-шаралар — жастарды тәрбиелеудің және батырларымыздың есімін мәңгілікке сақтаудың жарқын үлгісі.