Тұмау, жедел респираторлық вирустық инфекциялар (ЖРВИ) және COVID-19 инфекцияларының таралуының алдын алу мақсатында эпидемиялық маусым кезеңінде — 2025 жылғы 1 қазаннан бастап 2026 жылғы сәуірге дейін Алматы қ. ҚДСБ ШЖҚ «Жоғары медициналық колледжі» КМК-да бетперде (маска) тағу режимі енгізіледі.

ҚР Бас мемлекеттік санитариялық дәрігерінің 2025 жылғы 22 тамыздағы № 6-ПГСВ қаулысына «2025 – 2026 жылдардағы эпидемиялық маусымда тұмауға, жедел респираторлық вирустық инфекцияларға (ЖРВИ) және коронавирус инфекциясы COVID-19-ға қарсы санитариялық-індетке қарсы, санитариялық-профилактикалық іс-шараларды жүргізу туралы» сәйкес, тұмау, ЖРВИ және COVID-19 ауруларының алдын алу шаралары бекітілген. Олардың бірі — денсаулық сақтау және медициналық білім беру ұйымдарында бетперде тағу режимін енгізу болып табылады.

Бетперде тағу режимі вирустық инфекциялар маусымдық өсу кезеңінде аурудың алдын алу және төмендету мақсатында енгізіледі.

Медициналық бетпердені оқу кабинеттерінде, қоғамдық орындарда және адамдар көп жиналатын жерлерде пайдалану ұсынылады.