09.01-20.01.2022 ж. бастап Алматы қ. ҚДБ ШЖҚ «Жоғары медициналық колледжі» КМК базасында патронаж жүйесінің Алматы қаласындағы дағдарыстар мен төтенше жағдайларға дайындығына назар аудара отырып, патронаждың универсалды-прогрессивті моделі бойынша жаттықтырушыларды даярлау бойынша тренинг өткізіледі.
Тренингті UNICEF қолдауымен Педиатрия және балалар хирургиясы ғылыми орталығы ұйымдастырылды.
Контингент: мейірбикелер, колледж оқытушылары.
Оқытуды келесі жаттықтырушылар жүргізеді:
- Ким Наталья Георгиевна – УПМ бойынша ұлттық шебер-жаттықтырушы, UNICEF сарапшысы;
- Есимова Динара Габиболлаевна – УПМ бойынша ұлттық шебер-жаттықтырушы, UNICEF сарапшысы;
- Антонова Елена Юрьевна – Педиатрия және балалар хирургиясы ғылыми орталығының «Бала жасындағы ауруларды ықпалдастыра бақалап қарау» бөлімінің дәрігері;
- Исмағұлова Сандуғаш Жаркенқызы – әлеуметтік жұмыс бойынша сарапшы.
Фасилитаторлар: Манкеева Гульяра, Исмагулова Сандуғаш (Алматы қ. ҚДБ ШЖҚ «Жоғары медициналық колледжі» КМК жаттықтырушылары)
Оқыту мақсаты: дағдарыстар мен төтенше жағдайларға дайындық және балаларды зорлық-зомбылықтан қорғау (балаларға қатысты зорлық-зомбылықтың алдын алу және жауап беру шаралары) мәселелерін қоса отырып, патронаждың универсалды-прогрессивті моделі бойынша жаттықтырушылар үшін тренинг өткізу. Патронаж қызметі қызметкерлерінің әлеуетін нығайту. Алматы қаласында патронаждың универсалды-прогрессивті моделі бойынша жаттықтырушылар командасын құру.
Тренингте келесі мәселелер қарастырылады:
- UNICEF-тің баланың ерте дамуы модульдері;
- Қамқоршы медбикенің рөлі. Эко-карта жасауға арналған клиникалық жағдайлар;
- Баланы тамақтандыру;
- Бала тәрбиесіндегі әкелердің рөлі;
- Бала тәрбиесінің жалпы мәселелері;
- Стигма мен кемсітушілікті жеңу;
- Балаларды зорлық-зомбылықтан, немқұрайлылықтан және қатыгездіктен қорғау және басқа да мәселелер.
Оқу аяқталғаннан кейін медициналық ұйымдардың қызметкерлерін одан әрі оқыту мақсатында Алматы қаласы үшін патронаждың универсалды-прогрессивті моделі бойынша 22 жаттықтырушы және басқа ҚР аймақтарға үшін 13 жаттықтырушы даярланады.
